7 dekabr kuni Mayamida bo‘lib o‘tgan Amerika Kubogi-2024 guruh bosqichiga qur’a tashlash marosimida turnirning rasmiy to‘pi PUMA Cumbre taqdim etildi.
To‘pning nomi Amerika bo‘ylab cho‘zilgan tog‘ tizmasidan ilhomlangan. Dizayn qit’aning shakliga asoslangan. Shuningdek, to‘pda turnirda qatnashadigan mamlakatlarning umumiy sonini ko‘rsatadigan 16 ta ajratilgan chiziq mavjud. Shu tariqa to‘p barcha ishtirokchi mamlakatlarni birlashtirishga intiladi.
PUMA Cumbre yuqori darajadagi texnologiya va maksimal texnik ishlashni ta’minlash uchun FIFA Quality Pro kafolatiga ega. Dizayn 12 ta muhrlangan paneldan iborat bo‘lib, ular tufayli mukammal muvozanatli vaznga erishiladi va keng va chuqur tikuvlar aerodinamikaga ijobiy ta’sir ko‘rsatadi. Bundan tashqari, to‘p PAL (PUMA Air lock)klapan bilan jihozlangan, bu havoni ushlab turishni kafolatlaydi.
PUMA Cumbre birinchi marta 2024 yil 20 iyun kuni Amerika kubogining ochilish o‘yini bo‘lib o‘tadigan Atlantadagi "Mercedes-Bens" stadionida qo‘llaniladi.
