Madridning “Real” klubi bosh murabbiyi Karlo Anchelotti jurnalistning “PSJ” hujumchisi Kilian Mbappening ehtimoliy transferi haqidagi savoliga javob bermadi.
Ispaniya chempionatining "Betis"ga qarshi o‘yinidan oldin bo‘lib o‘tgan matbuot anjumanida Anchelotti Mbappeni "Real"ga taklif qilishi mumkinligi haqida savol oldi. Biroq, italiyalik mutaxassis bu mavzuda gapirmoqchi emasligini aniq aytdi. Bundan tashqari, Anchelotti kelajagi haqida gapirmasligini qo‘shimcha qildi.
Joriy mavsumda 24 yoshli Mbappe barcha turnirlar doirasida 18 ta uchrashuvda ishtirok etib, 18 ta gol urdi va 2 ta golli uzatmani amalga oshirdi.
