Мадриднинг “Реал” клуби бош мураббийи Карло Анчелотти журналистнинг “ПСЖ” ҳужумчиси Килиан Мбаппенинг эҳтимолий трансфери ҳақидаги саволига жавоб бермади.
Испания чемпионатининг "Бетис"га қарши ўйинидан олдин бўлиб ўтган матбуот анжуманида Анчелотти Мбаппени "Реал"га таклиф қилиши мумкинлиги ҳақида савол олди. Бироқ, италиялик мутахассис бу мавзуда гапирмоқчи эмаслигини аниқ айтди. Бундан ташқари, Анчелотти келажаги ҳақида гапирмаслигини қўшимча қилди.
Жорий мавсумда 24 ёшли Мбаппе барча турнирлар доирасида 18 та учрашувда иштирок этиб, 18 та гол урди ва 2 та голли узатмани амалга оширди.
