Italiyalik sobiq murabbiy Fabio Kapello "Inter" yarim himoyasi haqida fikr bildirdi.

"Inter"ning kuchli tomoni – yarim himoyasi. Jamoa maydon markazida ajoyib o‘yin ko‘rsatmoqda, ammo agar siz ularni "Manchester Siti" va "Real" bilan solishtirsangiz, ular bir pog‘ona pastroq, ammo "Inter" yarim himoyasi shubhasiz dunyodagi eng kuchlilaridan biri", - dedi italiyalik mutaxassis La Gazzetta dello Sport bilan suhbatda.

Ayni damda “Inter” 35 ochko bilan Italiya chempionati turnir jadvalida ikkinchi o‘rinda bormoqda. Peshqadam “Yuventus” bo‘lib, raqibidan bir ochko oldinda. Qayd etish joizki, “neradzurrilar”ning bitta zaxira o‘yini bor, shuning uchun ular hafta oxiri o‘zlarining yuqori o‘rinlarini qaytarib olishlari mumkin.