«Liverpul» hujumchisi Muhammad Salohning «Kristal Pelas» darvozasiga urgan goli uning mersisaydliklar safidagi 200-goli bo‘ldi, deb xabar beradi Sky Sports.

«Liverpul» forvardi bugun APLdagi 150-golini urdi va chempionatda eng ko‘p gol urgan hujumchilarning 10taligiga kirgani haqida avvalroq yozgan edik.

U Maykl Ouen bilan reytingda 10-o‘rinni bo‘lishib turibdi. Shuningdek, Muhammadning hisobida UYEFA Chempionlar ligasida 41 ta, Angliya kubogida 5 ta, Yevropa ligasida uchta va Liga kubogida bittadan gol bor.