«PSJ» yarim himoyachisi Fabian Ruis yelkasidagi operasiyadan qochishga muvaffaq bo‘ldi. Jurnalist Fabris Xokinsning so‘zlariga ko‘ra, ispaniyalik futbolchining o‘ng yelkasi chiqib ketgan, ammo singan emas. Shu bois futbolchi operasiya qilinmagan.
Qayd etilishicha, Ruis jarohatidan yana bir necha hafta forig‘ bo‘ladi. Demak, yarim himoyachi 2023 yilning qolgan haftalarida aniq maydonga tusha olmaydi.
27 yoshli Fabian joriy mavsum Fransiya chempionatida 13 ta o‘yinda maydonga tushib, 1 ta gol urdi va 2 ta golli uzatmaga mualliflik qildi.
Futbolchi 2022 yilning yozida «Napoli»dan transfer qilinganidan so‘ng ikkinchi mavsumini Parijda o‘tkazmoqda.
