"Marsel" hujumchisi Pyer-Emerik Obameyang Liga 1ning 15-turida "Loryan"ga qarshi o‘yinda dubl qildi va 1 ta golli uzatmani amalga oshirdi.
34 yoshli gabonlik futbolchi uchinchi daqiqadayoq jamoadoshi Shansel Mbembaga golli uzatma berdi.
9-daqiqada Obameyang o‘zi raqib darvozasini ishg‘ol qilib, oradagi farqni ikkiga oshirdi.
42-daqiqada hujumchi hisobni 4:1 ko‘rinishiga keltirdi.
Futbolchi so‘nggi 4 o‘yinda 7 ta gol urdi va 3 ta golli uzatmani amalga oshirdi.
Umuman olganda, Obameyang Fransiya klubi safida 21 uchrashuvda 12 ta gol urdi va 6 ta golli uzatmani amalga oshirdi.
