"Марсель" ҳужумчиси Пьер-Эмерик Обамеянг Лига 1нинг 15-турида "Лорьян"га қарши ўйинда дубль қилди ва 1 та голли узатмани амалга оширди.

34 ёшли габонлик футболчи учинчи дақиқадаёқ жамоадоши Шансел Мбембага голли узатма берди.

9-дақиқада Обамеянг ўзи рақиб дарвозасини ишғол қилиб, орадаги фарқни иккига оширди.

42-дақиқада ҳужумчи ҳисобни 4:1 кўринишига келтирди.

Футболчи сўнгги 4 ўйинда 7 та гол урди ва 3 та голли узатмани амалга оширди.

Умуман олганда, Обамеянг Франция клуби сафида 21 учрашувда 12 та гол урди ва 6 та голли узатмани амалга оширди.