«Roma» hujumchisi Romelu Lukaku Italiya klubida mavsum oxirigacha qoladi.
Eslatib o‘tamiz, belgiyalik futbolchi rimliklar safida ijara asosida o‘ynaydi, uning shartnomasi «Chelsi»ga tegishli.
The Athletic xabariga ko‘ra, «Chelsi» bosh murabbiyi Maurisio Pochettino yaqinlashib kelayotgan transfer oynasida jamoasining hujumini kuchaytirish niyatida.
Qayd etilishicha, variantlardan biri Lukakuning ijaradan qaytishi bo‘lishi mumkin. Biroq manbaning xabariga ko‘ra, klublar o‘rtasidagi kelishuvda ijara shartnomasini muddatidan oldin bekor qilish bandi yo‘q, shuning uchun hujumchi yana kamida olti oyni «Roma»da o‘tkazadi.
