«Рома» ҳужумчиси Ромелу Лукаку Италия клубида мавсум охиригача қолади.
Эслатиб ўтамиз, бельгиялик футболчи римликлар сафида ижара асосида ўйнайди, унинг шартномаси «Челси»га тегишли.
The Athletic хабарига кўра, «Челси» бош мураббийи Маурисио Почеттино яқинлашиб келаётган трансфер ойнасида жамоасининг ҳужумини кучайтириш ниятида.
Қайд этилишича, вариантлардан бири Лукакунинг ижарадан қайтиши бўлиши мумкин. Бироқ манбанинг хабарига кўра, клублар ўртасидаги келишувда ижара шартномасини муддатидан олдин бекор қилиш банди йўқ, шунинг учун ҳужумчи яна камида олти ойни «Рома»да ўтказади.
