"Manchester Yunayted" himoyachisi Xarri Maguayr Chempionlar ligasi guruh bosqichidan o‘rin olgan "Bavariya"ga qarshi o‘yinda jarohat oldi. Jamoa bosh murabbiyi Erik ten Xag futbolchining jarohati haqida gapirdi.
“Hozir hech narsa deya olmayman. Jarohatning og‘irligi 24 soat ichida ma’lum bo‘ladi. Biz biroz kutishimiz kerak", - dedi niderlandiyalik murabbiy.
Eslatib o‘tamiz, uchrashuv “Old Trafford” stadionida bo‘lib o‘tgan va mankunianliklarning 0:1 hisobidagi minimal mag‘lubiyati bilan yakunlangan edi. Yagona golga yarim himoyachi Kingsli Koman mualliflik qildi.
