«Ayaks», «Inter» va Londonning «Arsenal» klublarining mashhur sobiq futbolchisi Dennis Bergkamp Angliyada klub sotib olib, klub xo‘jayini sifatida futbolga qaytish haqida o‘ylayotganini inkor etmayapti.
Norasmiy ma’lumotlarga ko‘ra, bu Angliya futbolining uchinchi ligasida o‘ynayotgan «Uikomb Uonderers» klubi bo‘lishi mumkin.
«Shunday. Bu mening rejalarimning bir qismi, men yosh futbolchilarning o‘sishiga yordam bermoqchiman va ularga o‘z tajribamni taqdim etmoqchiman.
Bu xorijdan klubga milliard yevro sarmoya kiritishdan boshqa jarayon. Ishonchim komilki, Birinchi Liga klubi besh yil ichida, maksimal o‘n yil ichida, keraksiz xarajatlarsiz, malakali yondashuv bilan chempionshipga ko‘tarilishi mumkin», - deya Bergkampning so‘zlaridan iqtibos keltiradi Italiyaning ITASportPress axborot agentligi.
