«Аякс», «Интер» ва Лондоннинг «Арсенал» клубларининг машҳур собиқ футболчиси Деннис Бергкамп Англияда клуб сотиб олиб, клуб хўжайини сифатида футболга қайтиш ҳақида ўйлаётганини инкор этмаяпти.

Норасмий маълумотларга кўра, бу Англия футболининг учинчи лигасида ўйнаётган «Уикомб Уондерерс» клуби бўлиши мумкин.

«Шундай. Бу менинг режаларимнинг бир қисми, мен ёш футболчиларнинг ўсишига ёрдам бермоқчиман ва уларга ўз тажрибамни тақдим этмоқчиман.

Бу хориждан клубга миллиард евро сармоя киритишдан бошқа жараён. Ишончим комилки, Биринчи Лига клуби беш йил ичида, максимал ўн йил ичида, кераксиз харажатларсиз, малакали ёндашув билан чемпионшипга кўтарилиши мумкин», - дея Бергкампнинг сўзларидан иқтибос келтиради Италиянинг ITASportPress ахборот агентлиги.