Chempionlar ligasida ishtirokni muddatidan avval yakunlash “MYU”ning moliyaviy holatiga tasir qiladi.
"The Telegraph" nashrining yozishicha, "Manchester Yunayted" byudjetiga turnirning chorak finaliga chiqish ham kiritilgandi. Klub endi o‘zi kutgan 19,5 million funt sterling mukofot pulidan va 8,2 million funt sterling uy uchrashuvidan tushadigan daromaddan mahrum bo‘ladi.
Shunday qilib, yo‘qolgan mablag‘larning umumiy miqdori taxminan 27,7 million funtni tashkil qiladi.
Moliyaviy yo‘qotishlar, shuningdek, keng ko‘lamli taklifga ehtiyoj yo‘qligi "MYU"ni yanvar oyida o‘yinchilarni sotishga majbur qilishi mumkin. Jeydon Sancho va Donni van de Bek jamoani tark etishi mumkin - ularning kelajagi "Manchester Yunayted"ning Chempionlar ligasidagi natijalariga bog‘liq emas edi. Shuningdek, "Yunayted" Kazemiro, Rafael Varan va Entoni Marsyal bo‘yicha transfer takliflariga tayyor.
"MYU" qishda transfer bozorida faol bo‘lishni rejalashtirmayapti, lekin yuqoridagi futbolchilar bo‘yicha takliflarni ko‘rib chiqadi. Hozirda bu futbolchilarga faol qiziqish yo‘q.
Qayd etilishicha, Varan "Yunayted"da qolishni istaydi, biroq uning Erik ten Xag bilan munosabatlari keskinlashgan. Jarohati tufayli hozirda safdan chiqqan Kazemiro joriy mavsumning borishidan norozi.
