Чемпионлар лигасида иштирокни муддатидан аввал якунлаш “МЮ”нинг молиявий ҳолатига таьсир қилади.
"The Telegraph" нашрининг ёзишича, "Манчестер Юнайтед" бюджетига турнирнинг чорак финалига чиқиш ҳам киритилганди. Клуб энди ўзи кутган 19,5 миллион фунт стерлинг мукофот пулидан ва 8,2 миллион фунт стерлинг уй учрашувидан тушадиган даромаддан маҳрум бўлади.
Шундай қилиб, йўқолган маблағларнинг умумий миқдори тахминан 27,7 миллион фунтни ташкил қилади.
Молиявий йўқотишлар, шунингдек, кенг кўламли таклифга эҳтиёж йўқлиги "МЮ"ни январь ойида ўйинчиларни сотишга мажбур қилиши мумкин. Жейдон Санчо ва Донни ван де Бек жамоани тарк этиши мумкин - уларнинг келажаги "Манчестер Юнайтед"нинг Чемпионлар лигасидаги натижаларига боғлиқ эмас эди. Шунингдек, "Юнайтед" Каземиро, Рафаэль Варан ва Энтони Марсьяль бўйича трансфер таклифларига тайёр.
"МЮ" қишда трансфер бозорида фаол бўлишни режалаштирмаяпти, лекин юқоридаги футболчилар бўйича таклифларни кўриб чиқади. Ҳозирда бу футболчиларга фаол қизиқиш йўқ.
Қайд этилишича, Варан "Юнайтед"да қолишни истайди, бироқ унинг Эрик тен Хаг билан муносабатлари кескинлашган. Жароҳати туфайли ҳозирда сафдан чиққан Каземиро жорий мавсумнинг боришидан норози.
