"Real Madrid"ning o‘ng qanot himoyachisi Dani Karvaxal jamoasining 2023 yildagi so‘nggi o‘yini, 21 dekabr kuni "Alaves"ga qarshi safarda bo‘lib o‘tadigan so‘nggi o‘yiniga tiklanish uchun ulgurishi mumkin.
Relevo nashrining ma’lumotlariga ko‘ra, Karvaxal dastlabki tiklanish vaqtidan biroz oldinda. Futbolchi allaqachon mashg‘ulotlarga kirishgan va Ispaniya chempionatida "Alaves" bilan o‘yinda maydonga qaytishga umid qilmoqda.
Qayd etilishicha, Karvaxal kelasi hafta oxiri bo‘lib o‘tadigan "Vilyarreal" bilan o‘yinda aniq ishtirok etmaydi. Dani joriy mavsumda La Liganing 13 ta uchrashuvida 2 ta gol va 2 ta golli uzatmani amalga oshirdi.
