"Bavariya" vingeri Kingsli Koman qancha muddatga safdan chiqqani ma’lum bo‘ldi. Eslatib o‘tamiz, seshanba oqshomida fransiyalik futbolchi Chempionlar ligasi doirasida "Manchester Yunayted"ni mehmonda mag‘lub etgandi. G‘alaba golidan ko‘p o‘tmay, fransiyalik futbolchi jarohat olib, maydonni tark etdi.
Bild nashri xabariga ko‘ra, Myunxendagi ekspertiza Koman jarohati sabab 3 haftani o‘tkazib yuborishga majbur bo‘lishini ko‘rsatgan. Shu tariqa, fransiyalik futbolchi 2023 yilda o‘z jamoasiga yordam bermaydi.
Koman joriy mavsumda barcha musobaqalarda 5 ta gol urdi va 3 ta golli uzatmani amalga oshirdi. 27 yoshli fransiyalik futbolchining "Bavariya" bilan shartnomasi 2027 yilning yoziga qadar mo‘ljallangan.
