Londonning "Tottenxem" klubi yarim himoyachisi Jovani lo Chelso jamoasining Angliya Premyer-ligasida bo‘lib o‘tadigan "Nottingem Forest"ga qarshi o‘yinini o‘tkazib yuboradi. Bu haqda "shporlar" bosh murabbiyi Ange Postekoglu matbuot anjumanida malum qildi.
"Tottenxem"ning so‘nggi to‘rtta o‘yinidan uchtasida Lo Chelso asosiy tarkibda maydonga tushdi va ikkita gol urdi. Argentinalik futbolchi “Aston Villa” va “Manchester Siti” kabi klublar darvozasini ishg‘ol qilgan.
Eslatib o‘tamiz, kataloniyalik "Barselona" Lo Chelso xizmatlariga qiziqish bildirmoqda, ammo "Tottenxem" yanvardagi transfer oynasida argentinalik yarim himoyachi bilan xayrlashmoqchi emas. "Shporlar" bosh murabbiyi Ange Postekoglu yarim himoyachini juda yaxshi ko‘radi.
