Madridning “Atletiko” klubi himoyachisi Xose Ximenes Ispaniya chempionati doirasidagi “Barselona”ga qarshi o‘yindan so‘ng jarohat oldi. Uchrashuv “matraschilar”ning 0:1 hisobidagi mag‘lubiyati bilan yakunlandi.
ElDesmarque xabar berishicha, uchrashuv tugagandan so‘ng, hafsalasi pir bo‘lgan Ximenes devorga musht tushirgan, shundan so‘ng uning qo‘li shikastlangan. Shu sabab himoyachi operasiya qilindi.
Ispaniya chempionatining joriy mavsumida urugvaylik 28 yoshli futbolchi o‘nta o‘yin o‘tkazib, uchta sariq kartochka oldi.
