Madridning “Real” klubi bosh murabbiyi Karlo Anchelotti tez orada klub bilan shartnomasini uzaytirishi mumkin.

Ayni damda italiyalik mutaxassis ketishdan ko‘ra yangi shartnoma imzolashga yaqinroq, deb xabar beradi Marca . Anchelotti boshqa joyda ishlashni xayoliga ham keltirmayapti, "Real" esa mavsum oxirida yangi murabbiy tayinlash haqida o‘ylamayapti. Yaqin kunlarda Florentino Peres Karlo bilan uchrashib, kelgusidagi hamkorlik shartlarini muhokama qiladi.

Anchelottining "Real" bilan amaldagi shartnomasi 2024 yilning iyunigacha mo‘ljallangan. Eslatib o‘tamiz, avvalroq matbuotda kelasi yozdan italiyalik mutaxassis Braziliya terma jamoasini boshqarishi haqida xabarlar tarqalgan edi.