Andre Onana Premyer-liganing joriy mavsumida quruq o‘yinlar bo‘yicha yetakchi hisoblanadi.

Bugun “Manchester Yunayted” darvozaboni “Liverpul”ga qarshi o‘yinda (0:0) o‘z darvozasi daxlsizligini saqlab qoldi va APLdagi 6-o‘yinni quruq o‘tkazdi.

Onana bu ko‘rsatkich bo‘yicha birinchi o‘rinni egallab turgan "Everton" darvozaboni Jordan Pikfordga yetib oldi.

Alisson (“Liverpul”), Sem Jonston (“Kristal Pelas”), Bernd Leno (“Fulxem”), Nik Poup (“Nyukasl”), David Rayya (“Arsenal”) va Gulyelmo Vikario ("Tottenxem") bu mavsumda APLda 5 marta o‘z darvozasi daxlsizligini saqlab qolishgan.