"Lasio"ning sobiq sport direktori Igli Tare rimliklarning Chempionlar ligasi 1/8 finalida "Bavariya" bilan o‘yindagi imkoniyatlarini baholadi.
Jamoalar fevral oyi o‘rtalarida Italiyada o‘ynashadi. Javob o‘yini mart oyi boshida Myunxenda bo‘lib o‘tadi.
"Bavariya" favorit, ammo hozirgi "Lasio" 2021 yilda xuddi shu bosqichda "Bavariya" bilan to‘qnash kelgan jamoaga qaraganda ancha yetuk.
"Lasio"ni A Seriyada unchalik ta’sirli natijalarga erishmaganiga qaramay, e’tibordan chetda qoldirmaslik kerak.
O‘ylaymanki, Sarri jamoasi Chempionlar ligasida syurpriz yaratadi.
Buni guruh bosqichi o‘yinlarida ham ko‘rdik. Birinchi o‘yinga hali ikki oy bor. "Hamma narsa bo‘lishi mumkin", deya ta’kidlagan Tare.
