"Manchester Siti" bosh murabbiyi Pep Gvardiola jamoasi uchun klublar o‘rtasidagi jahon chempionatida muvaffaqiyatga erishish qanchalik muhimligi haqida gapirdi.
19 dekabr kuni “shaharliklar” turnirning yarim finalida Yaponiyaning “Urava Reds” jamoasiga qarshi maydonga tushadi.
“Biz barcha mumkin bo‘lgan sovrinlarni qo‘lga kiritmoqchimiz – faqat klublar o‘rtasidagi jahon chempionati qoldi.
Bunga erishish qanchalik qiyinligini bilamiz, chunki bu turnirda qatnashish uchun ham o‘zgacha ish qilish kerak. Futbolchilar buni tushunishadi, motivasiya aql bovar qilmas darajada bo‘ladi.
Finalga chiqish oson bo‘lmaydi - raqibimiz haqida ko‘p narsa bilmaymiz", - deya Gvardiolaning so‘zlaridan iqtibos keltiradi City Xtra.
