"Манчестер Сити" бош мураббийи Пеп Гвардиола жамоаси учун клублар ўртасидаги жаҳон чемпионатида муваффақиятга эришиш қанчалик муҳимлиги ҳақида гапирди.
19 декабр куни “шаҳарликлар” турнирнинг ярим финалида Япониянинг “Урава Редс” жамоасига қарши майдонга тушади.
“Биз барча мумкин бўлган совринларни қўлга киритмоқчимиз – фақат клублар ўртасидаги жаҳон чемпионати қолди.
Бунга эришиш қанчалик қийинлигини биламиз, чунки бу турнирда қатнашиш учун ҳам ўзгача иш қилиш керак. Футболчилар буни тушунишади, мотивация ақл бовар қилмас даражада бўлади.
Финалга чиқиш осон бўлмайди - рақибимиз ҳақида кўп нарса билмаймиз", - дея Гвардиоланинг сўзларидан иқтибос келтиради City Xtra.
