Belgiyaning "Bryugge" klubi himoyachisi Teydjon Byukenen "Inter" uchun himoyaning o‘ng qanotini kuchaytirish uchun ustuvor nomzoddir. Eslatib o‘tamiz, avvalroq Simone Indzagi shogirdlari jiddiy jarohat sabab Xuan Kuadradodan bahorgacha mahrum bo‘lgandi.

"Tuttosport" xabariga ko‘ra, "neradzurrilar" yanvar oyida Byukenenni sotib olishga harakat qiladi. Avvalroq, kanadalik futbolchining shartnomasi 2025 yilning yozida yakunlanishini hisobga olib, "Bryugge" futbolchi uchun taxminan 20 million yevro so‘ragandi. "Inter" yanvarda ko‘p pul sarflashni istamaydi, shuning uchun ham chegirma olish niyatida.

Manbaga ko‘ra, "Inter" yanvar oyida yangi hujumkor o‘yinchini sotib olishni istamoqda.