Бельгиянинг "Брюгге" клуби ҳимоячиси Тэйджон Бьюкенен "Интер" учун ҳимоянинг ўнг қанотини кучайтириш учун устувор номзоддир. Эслатиб ўтамиз, аввалроқ Симоне Индзаги шогирдлари жиддий жароҳат сабаб Хуан Куадрадодан баҳоргача маҳрум бўлганди.
"Tuttosport" хабарига кўра, "нерадзуррилар" январь ойида Бьюкененни сотиб олишга ҳаракат қилади. Аввалроқ, канадалик футболчининг шартномаси 2025 йилнинг ёзида якунланишини ҳисобга олиб, "Брюгге" футболчи учун тахминан 20 миллион евро сўраганди. "Интер" январда кўп пул сарфлашни истамайди, шунинг учун ҳам чегирма олиш ниятида.
Манбага кўра, "Интер" январь ойида янги ҳужумкор ўйинчини сотиб олишни истамоқда.
