"PSJ" markaziy himoyachisi Presnel Kimpembe tibbiyot xodimlarining prognozini kutmoqda. Fransiyalik futbolchi jarohati tufayli qancha vaqt maydonga tusha olmasligini hali tushunmayapti.
Sports Zone nashri ma’lumotlariga ko‘ra, Kimpembe keyingi operasiyani talab qilishi mumkin. Eslatib o‘tamiz, kalendar yilining boshida Presnel suyagining yorilishi bilan davolangan va shu sababli u uzoq vaqt kasalxonada bo‘lishga majbur bo‘lgan.
Avvalroq Kimpembening ahvolidan kelib chiqib, "PSJ" yanvar oyida yangi markaziy himoyachi sotib olishni rejalashtirayotgani haqida xabar berilgandi. Eslatib o‘tamiz, 28 yoshli Presnelning parijliklar jamoasi bilan shartnomasi joriy mavsum oxirida yakuniga yetadi.
