"ПСЖ" марказий ҳимоячиси Преснель Кимпембе тиббиёт ходимларининг прогнозини кутмоқда. Франциялик футболчи жароҳати туфайли қанча вақт майдонга туша олмаслигини ҳали тушунмаяпти.
Sports Zone нашри маълумотларига кўра, Кимпембе кейинги операцияни талаб қилиши мумкин. Эслатиб ўтамиз, календарь йилининг бошида Преснель суягининг ёрилиши билан даволанган ва шу сабабли у узоқ вақт касалхонада бўлишга мажбур бўлган.
Аввалроқ Кимпембенинг аҳволидан келиб чиқиб, "ПСЖ" январь ойида янги марказий ҳимоячи сотиб олишни режалаштираётгани ҳақида хабар берилганди. Эслатиб ўтамиз, 28 ёшли Преснелнинг парижликлар жамоаси билан шартномаси жорий мавсум охирида якунига етади.
