Kataloniyaning "Barselona" klubi bosh murabbiyi Xavi Ernandes bu mavsum oldingi mavsumdagidek ko‘p gol urmayotgan Robert Levandovskining o‘yinlari haqida fikr bildirdi.
"Levandovski yetarli darajada samarali emas, lekin buni butun jamoa haqida aytish mumkin. 17 turdan keyin o‘tgan mavsumdagidan 9 ochko kam jamg‘ardik. Ishonchim komilki, biz noto‘g‘ri ish qildik. Bizda samaradorlik va kuch yetishmayapti. Biz o‘yin borasida muvaffaqiyatga erishdik, biroq samaradorlikning yo‘qligi ustunlikni qo‘ldan chiqarishimizga sabab bo‘lmoqda" - dedi Xavi matbuot anjumanida.
Levandovski joriy mavsum Ispaniya chempionatida 15 ta o‘yinda maydonga tushib, 8 ta gol urdi va 3 ta golli uzatmani amalga oshirdi.