Каталониянинг "Барселона" клуби бош мураббийи Хави Эрнандес бу мавсум олдинги мавсумдагидек кўп гол урмаётган Роберт Левандовскининг ўйинлари ҳақида фикр билдирди.
"Левандовски етарли даражада самарали эмас, лекин буни бутун жамоа ҳақида айтиш мумкин. 17 турдан кейин ўтган мавсумдагидан 9 очко кам жамғардик. Ишончим комилки, биз нотўғри иш қилдик. Бизда самарадорлик ва куч етишмаяпти. Биз ўйин борасида муваффақиятга эришдик, бироқ самарадорликнинг йўқлиги устунликни қўлдан чиқаришимизга сабаб бўлмоқда" - деди Хави матбуот анжуманида.
Левандовски жорий мавсум Испания чемпионатида 15 та ўйинда майдонга тушиб, 8 та гол урди ва 3 та голли узатмани амалга оширди.
