Klublar o‘rtasidagi jahon chempionati finalchilari aniqlandi.
"Manchester Siti" turnirning ikkinchi yarim finalida "Urava Red Daymonds"ni mag‘lub etdi (3:0).
Hal qiluvchi bahsda Pep Gvardiola shogirdlari bir kun avval Qohiraning “Al-Ahli” jamoasini mag‘lub etgan (2:0) Braziliyaning “Fluminense” jamoasiga qarshi bahs olib boradi.
Final o‘yini 22 dekabr kuni “Qirol Abdulla Sports Citi” stadionida bo‘lib o‘tadi.
Shu kuni “Urava Red Daymonds” “Shahzoda Abdulla Al Faysal” stadionida uchinchi o‘rin uchun bahsda “Al Ahli”ga qarshi maydonga tushadi.
Eslatib o‘tamiz, bu yilgi klublar o‘rtasidagi jahon chempionati Saudiya Arabistonida bo‘lib o‘tmoqda.
