"Arsenal" "Brentford" hujumchisi Ayvan Tonini qo‘lga kiritish uchun kurashda peshqadamlik qilmoqda. Jurnalist Migel Dileynining xabariga ko‘ra, "kanonirlar" angliyalik futbolchi uchun kurashda "Chelsi"dan oldinda.

Avvalroq "Chelsi" Tonini yanvar oyida sotib olishi haqida xabar berilgandi. Biroq manbaning ta’kidlashicha, bunday qimmat transferni amalga oshirish uchun "Chelsi" moliyaviy feyr-pley qoidalarini buzmaslik uchun avvalo bir nechta sotuvlarni amalga oshirishi kerak.

Eslatib o‘tamiz, Toni "Brentford" tomonidan kamida 80 million yevroga baholangan. Angliyalik futbolchi taqiq qo‘yilgani uchun bahordan beri maydonga tushmadi. Futbolchining qaytishi yanvar oyida ro‘y beradi.