"Арсенал" "Брентфорд" ҳужумчиси Айван Тонини қўлга киритиш учун курашда пешқадамлик қилмоқда. Журналист Мигель Дилэйнининг хабарига кўра, "канонирлар" англиялик футболчи учун курашда "Челси"дан олдинда.
Аввалроқ "Челси" Тонини январь ойида сотиб олиши ҳақида хабар берилганди. Бироқ манбанинг таъкидлашича, бундай қиммат трансферни амалга ошириш учун "Челси" молиявий фэйр-плей қоидаларини бузмаслик учун аввало бир нечта сотувларни амалга ошириши керак.
Эслатиб ўтамиз, Тони "Брентфорд" томонидан камида 80 миллион еврога баҳоланган. Англиялик футболчи тақиқ қўйилгани учун баҳордан бери майдонга тушмади. Футболчининг қайтиши январь ойида рўй беради.
