Joriy yilning 20 dekabr kuni Tbilisi shahrida 3 karra Olimpiya o‘yinlari g‘olibi, ayni damda Gruziya og‘ir atletika federasiyasi prezidenti hisoblangan Kaxi Kaxiashviliga bag‘ishlangan «Kaxi kubogi» ochiq turniri bo‘lib o‘tdi. Ta’kidlash kerakki, ushbu xalqaro musobaqa 1994 yildan buyon o‘tkazib kelinmoqda.

Biz uchun ahamiyatlisi, erkaklar o‘rtasida +109 kg vazn toifasidagi bahslarda ishtirok etgan hamyurtimiz Azimjon Xolev o‘z vazn toifasida 3-o‘rinni, sinkler tizimi bo‘yicha esa 8-o‘rinni band etdi.

Musobaqa yakunida delegasiyamiz a’zolari Kaxi Kaxiashviliga O‘zbekiston og‘ir atletika federasiyasining maxsus esdalik sovg‘asini topshirishdi.