"Bolonya" hujumchisi Joshua Zirkzee tez orada top-klublardan biriga o‘tishi mumkin.

Niderlandiyalik futbolchi o‘tgan yozda muntazam ravishda o‘yin amaliyotiga ega bo‘lish maqsadida "Bavariya"dan "Bolonya"ga ko‘chib o‘tgandi. 22 yoshli forvard muvaffaqiyatga erishdi va endi unga grandlar qiziqish bildirishmoqda. Insayder Fabrisio Romanoning hamkasbi Matteo Morettoga tayanib xabar berishicha, Zirkzeening shartnomasida tovon puli 40 million yevroni tashkil qiladi, biroq “Bavariya” futbolchini atigi 20 millionga qaytarishi mumkin. Bundan tashqari, myunxenliklar niderlandiyalik futbolchining boshqa jamoaga transferidan 50 foizini olishi mumkin.

Joshua Zirkzee joriy mavsum “Bolonya” safida 18 ta o‘yinda maydonga tushib, 8 ta gol va 4 ta golli uzatmaga mualliflik qilgan.