"Болонья" ҳужумчиси Жошуа Зиркзее тез орада топ-клублардан бирига ўтиши мумкин.

Нидерландиялик футболчи ўтган ёзда мунтазам равишда ўйин амалиётига эга бўлиш мақсадида "Бавария"дан "Болонья"га кўчиб ўтганди. 22 ёшли форвард муваффақиятга эришди ва энди унга грандлар қизиқиш билдиришмоқда. Инсайдер Фабрицио Романонинг ҳамкасби Маттео Мореттога таяниб хабар беришича, Зиркзеенинг шартномасида товон пули 40 миллион еврони ташкил қилади, бироқ “Бавария” футболчини атиги 20 миллионга қайтариши мумкин. Бундан ташқари, мюнхенликлар нидерландиялик футболчининг бошқа жамоага трансферидан 50 фоизини олиши мумкин.

Жошуа Зиркзее жорий мавсум “Болонья” сафида 18 та ўйинда майдонга тушиб, 8 та гол ва 4 та голли узатмага муаллифлик қилган.