"Real Sosyedad" yarim himoyachisi Martin Subimendi "Arsenal"ning transfer maqsadi bo‘lib qolmoqda.
Ispaniyalik futbolchi bir yil oldin "kanonirlar" safiga qo‘shilishi mumkin edi, biroq u shartnomani rad etdi. Jurnalist Devid Ornshteynning ta’kidlashicha, vaziyat yana takrorlanishi mumkin: "Arsenal" 24 yoshli himoyachiga hali ham qiziqish bildirmoqda, ammo futbolchining o‘zi Angliyaga ko‘chib o‘tishga rozi bo‘lishi aniq emas, hatto klub uning tovon pulini faollashtirsa ham.
"Bavariya" va "Barselona" ham Martin Subimendi uchun da’vogarlar qatorida. "Transfermarkt" ekspertlari futbolchining narxini 40 million yevroga baholamoqda.