"Loryan" muxlislari jamoaning joriy mavsumdagi yomon natijalaridan norozi. Muxlislarning noroziligi shunchalik kuchli ediki, ular klub bazasiga 400 kilogramm chirigan baliq olib kelishga qaror qilishdi.
Ijtimoiy tarmoqlardagi xabarlarga ko‘ra, klub muxlislari bu badbo‘y massani baza yaqinidagi yerga uloqtirishgan.
Ayni paytda "Loryan" Fransiya chempionati turnir jadvalida 17-o‘rinda.
O‘tgan o‘n yetti turda jamoa atigi 12 ochko to‘plagan edi. E’tiborlisi, "Loryan" timsolida baliq tasvirlangan, jamoaning laqabi - "dengiz baliqlari".
