Madridning «Real» klubi hujumchisi Vinisius Junior Chempionlar ligasi doirasida «Manchester Siti»ga qarshi kechgan bahsda (3:0) xet-trik qayd etgan jamoadoshi Federiko Valverdega minnatdorchilik bildirdi.
Urugvaylik futbolchining barcha gollari birinchi bo‘limda kiritildi. Tanaffusdan so‘ng Vinisius maydon egalarining ustunligini yanada mustahkamlashi mumkin edi, biroq u penaltini golga aylantira olmadi.
«Fede, sen eng zo‘risan va bunga loyiqsan. Hammasi uchun rahmat, biz seni yaxshi ko‘ramiz», — deb yozib qoldirdi braziliyalik hujumchi uchrashuv yakunlanganidan ko‘p o‘tmay ijtimoiy tarmoqlardagi sahifasida.
