"Inter"ning chap qanot himoyachisi Federiko Dimarko yaqin orada jamoaga yordam bermaydi.

Biroz avvalroq ma’lum bo‘lganidek, «neradzurrilar» «Bolonya»ga qarshi kubok o‘yinida jarohat olgan hujumchilar yetakchisi Lautaro Martinesni yil yakuniga qadar boy berdi.

Football Italia xabariga ko‘ra, ekspertiza Dimarko bilan bog‘liq muammoni aniqlagan - mushaklari shikastlangani uchun futbolchi A Seriyaning navbatdagi "Lechche"ga (23 dekabr) qarshi o‘yinini o‘tkazib yuboradi, shuningdek, "Jenoa" (29 dekabr) bilan uchrashuvda maydonga tushmaslik xavfi bor.

Federiko Dimarko joriy mavsumda barcha turnirlar doirasida 21 ta o‘yinda 3 ta gol va 5 ta golli uzatmaga mualliflik qildi.