"Интер"нинг чап қанот ҳимоячиси Федерико Димарко яқин орада жамоага ёрдам бермайди.
Бироз аввалроқ маълум бўлганидек, «нерадзуррилар» «Болонья»га қарши кубок ўйинида жароҳат олган ҳужумчилар етакчиси Лаутаро Мартинесни йил якунига қадар бой берди.
Football Italia хабарига кўра, экспертиза Димарко билан боғлиқ муаммони аниқлаган - мушаклари шикастлангани учун футболчи A Сериянинг навбатдаги "Лечче"га (23 декабр) қарши ўйинини ўтказиб юборади, шунингдек, "Женоа" (29 декабр) билан учрашувда майдонга тушмаслик хавфи бор.
Федерико Димарко жорий мавсумда барча турнирлар доирасида 21 та ўйинда 3 та гол ва 5 та голли узатмага муаллифлик қилди.
