Ispaniyaning Barselona shahrida bo‘lib o‘tgan «Sunway Sitges 2023» xalqaro shaxmat festivali o‘z nihoyasiga yetdi.

Kecha bo‘lib o‘tgan taqdirlash marosimida 10 nafar yurtdoshimiz sovrindorlar safidan joy oldi. Ular:

Muhammadzohid Suyarov – blis turniri 1-o‘rin sohibi;
Almas Rahmatullayev – blis turniri 2-o‘rin sohibi;
Akobirxon Saydaliyev – 16 yoshgacha bo‘lgan o‘smirlar o‘rtasidagi blis turniri 3-o‘rin sohibi;

«B» guruhida
Ozoda Shahzodova – ayollar o‘rtasida 1-o‘rin sohibi;
Islombek Sindarov – 2-o‘rin sohibi.

Shuningdek, «A» guruhida kuchli o‘nlikdan joy olgan Abdumalik Abdusalimov,  «A» guruhidagi eng yosh xalqaro sport ustasi ko‘rsatkichlari bo‘yicha Humoyun Begmuratov, 12 yoshgacha bo‘lgan o‘smirlar o‘rtasida blis turnirida faol ishtiroki uchun Javohir Bozorov, «B» guruhida kuchli o‘nlikdan joy olgan Robiyaxon Sardorova va Madinabonu Halilova ham sovrindorlar safidan joy oldi va maxsus statuetka hamda pul mukofoti bilan taqdirlandi.