"Real Madrid" katta ehtimol bilan yanvar oyida transfer bozoriga kirishga majbur bo‘ladi. Jurnalist Xose Feliks Diasning xabariga ko‘ra, "qirollik klubi" rahbariyati Antonio Ryudiger va Nacho Fernandes juftligidan qoniqmayapti.
Shu bois klub yangi markaziy himoyachi sotib olmoqchi. Eslatib o‘tamiz, "Real Madrid" jarohatlar bilan bog‘liq katta muammolarni boshdan kechirmoqda.
David Alaba yaqinda tizzasidan jarohat oldi va mavsumning qolgan qismida maydonga tusha olmaydi.
Eder Militao ham mavsum boshlanishidan oldin xuddi shunday jarohat olgandi. Braziliyalik himoyachining qaytishi bahorning o‘rtalariga kutilmoqda.
