"Arsenal" hujumchisi Eddi Nketia qishki transfer oynasida jamoani tark etmaydi.
The Sun nashrining yozishicha, London jamoasi bosh murabbiyi Mikel Arteta bu futbolchini jamoaning muhim bo‘lagi sifatida ko‘rmoqda.
Avvalroq Eddini bir qancha ingliz jamoalari bilan bog‘lashgan edi. Joriy mavsumda 24 yoshli hujumchi “Arsenal” safida 24 ta o‘yinda maydonga tushdi.
Ularda Nketia oltita gol urdi va sheriklariga to‘rtta golli uzatma berdi. Eslatib o‘tamiz, “Arsenal” ayni damda Angliya chempionati turnir jadvalida birinchi o‘rinni egallab turibdi. Transfermarkt Eddi Nketiani 35 million yevro deb hisoblamoqda.
