Garet Sautgeyt o‘zini Premyer-liga klubini boshqarishga tayyor deb hisoblamoqda.

Angliya termasida o‘ziga xos muhit yaratdingiz. Kelajakda buni Premyer-liga klubiga olib kelasizmi? Sizda shunday ambisiyalar bormi?

"Men buni qila olishimni bilaman. Bunga hech qanday shubham yo‘q. Jahon futbolida [Angliyadan keyin] qo‘rqitadigan yoki tushkunlikka soladigan ish yo‘q. Bundan yuqori daraja, kattaroq bosim va qiyin muammolar yo‘q.

Ligada ishlay boshlaganimda 35 yoshda edim. Biz 12 va 13-o‘rinlarda mavsumni yakunladik va men hozir ko‘rayotgan narsamga o‘xshash narsani ko‘rmadim.

Hamma "Midlsbro" haqida gapirardi: "Oh, u "Midlsbro"ni quyi ligaga tushirdi". Ha, biz uchinchi mavsumda tushib ketdik. Lekin men uch yil ligada ishladim", – dedi murabbiy.