Joriy mavsumda"Neftchi" sardori sifatida ko‘plab o‘yinlarda jamoani maydonga boshlab tushgan tajribali yarim himoyachi Lutfulla To‘rayev futbolchilik faoliyatini yakunlab murabbiylik sohasida ishini davom ettiradigan bo‘ldi.
Futbolchi faoliyati davomida "Mash’al"," Nasaf","Bunyodkor", "Lokomotiv", OKMK va "Neftchi" kabi jamoalarda, shuningdek Malayziyaning "Felda Yunayted", "Terenganu" klublarida ham o‘ynashdan tashqari, O‘zbekiston milliy terma jamoasi va turli toifadagi terma jamoalarda Vatanimiz sharafini munosib himoya qilgan. Lutfulla To‘rayev futbolchilik davrida jami 285 uchrashuvda maydonda harakatlanib, 25 ta gol muallifiga aylandi va 37 marta assistentlik qildi.
Futbolchi faoliyati davomida 2013 yilda mamlakat chempionligini va O‘zbekiston superkubogini qo‘lga kiritgan, to‘rt bor mamlakat kubogi sohibiga aylangan.
"Lutfulla To‘rayevga futbolchilik faoliyatidagi bo‘lganidek murabbiylik faoliyatida ham ulgan zafarlar tilab qolamiz" - deyiladi farg‘onaliklar matbuot xizmatining rasmiy bayonotida.
