"Manchester Yunayted"ning yozgi xaridi Meyson Maunt jarohatidan so‘ng maydondagi mashg‘ulotlarga qaytdi.
Bu haqda "mankunianliklar" matbuot xizmati rasman xabar berdi. To‘g‘ri, Meyson bugun chorshanba kuni alohida dastur bo‘yicha va "qizil iblislar"ning asosiy tarkibidan alohida mashg‘ulot o‘tkazdi.
Maunt 11-noyabrdan buyon futbol maydoniga chiqmadi, u so‘nggi bor Premyer-liganing 12-turida "Luton Taun" bilan o‘ynadi.
24 yoshli futbolchi 2023 yilning yozida Manchesterga ko‘chib o‘tgan, biroq yangi klubi uchun 12 o‘yinda u faqat bitta samarali harakat qayd etdi - Liga kubogi o‘yinida golli uzatma.