"Манчестер Юнайтед"нинг ёзги хариди Мэйсон Маунт жароҳатидан сўнг майдондаги машғулотларга қайтди.
Бу ҳақда "манкунианликлар" матбуот хизмати расман хабар берди. Тўғри, Мэйсон бугун чоршанба куни алоҳида дастур бўйича ва "қизил иблислар"нинг асосий таркибидан алоҳида машғулот ўтказди.
Маунт 11-ноябрдан буён футбол майдонига чиқмади, у сўнгги бор Премьер-лиганинг 12-турида "Лутон Таун" билан ўйнади.
24 ёшли футболчи 2023 йилнинг ёзида Манчестерга кўчиб ўтган, бироқ янги клуби учун 12 ўйинда у фақат битта самарали ҳаракат қайд этди - Лига кубоги ўйинида голли узатма.