"Manchester Yunayted" markaziy himoyachisi Rafael Varan "Bavariya" qiziqishlari doirasida qolmoqda. Bu haqda jurnalist Ekrem Konur ijtimoiy tarmoqlar orqali xabar berdi.
Nemis grandi ayni damda ehtimoliy transfer tafsilotlarini ishlab chiqmoqda. Bundesliga chempioni yanvar oyidagi transfer oynasida "qizil iblislar"ga aniq taklif bilan chiqmoqchi.
Rafael "Manchester Yunayted"da 2021 yilning yozidan buyon o‘ynamoqda. Uning transfer narxi 25 million yevroga baholanmoqda.
Joriy mavsumda fransiyalik himoyachi 15 o‘yin o‘tkazib, bitta gol urgan.