Londonning "Tottenxem" klubi himoyachisi Erik Dayer yanvardagi transfer oynasida jamoasini o‘zgartirishi mumkin. Bu haqda insayder Ekrem Konur ijtimoiy tarmoqlar orqali xabar berdi.
Jurnalistga ma’lum bo‘lishicha, 29 yoshli futbolchi bilan hamkorlik qilishdan Premyer-liga va Italiya A Seriyasi klublari qiziqish bildirmoqda. Londonliklar kelasi yozda futbolchini tekinga yo‘qotmaslik uchun Dayerni yanvarda sotishga tayyor. Himoyachining “shporlar” bilan shartnomasi joriy mavsum oxirida yakuniga yetadi.
Erik 2014 yildan beri "Tottenxem"da o‘ynab kelmoqda. Bu mavsumda u bor yo‘g‘i uchta o‘yinda qatnashdi. Futbolchining bozor narxi 12 million yevroga baholanmoqda.













